|
Kecha Hamdo`stlik chempionlar Kubogining chorak final uchrashuvlari bo`lib o`tdi. Avval xabar berib o`tganimizdek, “Paxtakor” Latviyaning “Ventspils” klubi bilan bo`lgan o`yinda penaltilar seriyasida irodali g`alabaga erishdi. Chorak finalning yana bir uchrashuvi “Zenit” va “Kaunas” klublari o`rtasida kechdi. Unda tajribaliroq bo`lgan litvaliklar 2:1 hisoboda zafar quchishdi va endi musobaqaning yarim finalida “Paxtakor” bilan kuch sinashishadi. Yarim finalning ikkinchi juftligida Ozarbayjonning “Xazar-Lenkoran” jamoasi Belorusning BATE klubiga qarshi maydonga tushadi.
Eslatib o`tamiz, yarim final bahslari 25-yanvar kuni bo`lib o`tadi. “Paxtakor” – “Kaunas” uchrashuvi Toshkent vaqti bilan soat 21:00 da boshlanadi.
“Olimpi” (Gruziya) - BATE (Belorus) 1:2 (0:1).
Gollar: Xubua, 72 - Rodionov, 85; Bliznyuk, 43
Amalga oshirilmagan penalti: Sivakov, 90
“Paxtakor” (O`zbekiston) – “Ventspils” (Latviya) 1:1 (1:0, pen. bo`yicha –7:6)
Gollar: Inomov,80 – Rimkus,41
“Paxtakor”: Jo`rayev, Suyunov, Aliqulov, Kletskov (F.Tojiyev, 76), Inomov, Xolmatov, Ismoilov, Ahmedov, Bayramov (Magdeyev, 46), Soliyev, Z.Tojiyev.
O`yindan keyingi penaltilar seriyasi:
Amalga oshirganlar: Rimkus, Soliyev, Dubenskiy, Inomov, Zizilev, Xolmatov, Kachanov, F.Tojiyev, Sigirlash, Aliqulov, Soleychuk, Magdeyev, Z.Tojiyev.
Amalga oshirolmagan: Misikov (darvozabon).
“Xazar-Lenkoran” (Ozarbayjon) – “Sherif” (Moldaviya) 2:2 (1:0, pen. bo`yicha - 5:3).
Gollar: Mario Sergio Souza, 53, 90 – Gnanu, 35; Balima, 64
Chetlatish: Kuchuk, 64 (ikkinchi ogohlantirish uchun)
“Zenit” (Rossiya) – “Kaunas” (Litva) – 1:2 (1:2).
Gollar: Yurchenko, 43 – Ledesma, 14; Yarshovas, 35
Yarim finallar (25-yanvar):
18:00 "Xazar-Lenkoran" - BATE
21:00 "Kaunas" - "Paxtakor"
|
